Drejtoreshë: Herolinda Murati – Leka email: herolinda.muratileka@rks-gov.net Tel: 0280-324-219 BIOGRAFIA Dr.Sc. Herolinda Murati-Leka u lind në Bern të Zvicrës më 19.07.1990. Shkollimin fillor dhe të mesëm e kreu në Gjilan, ndërsa studimet themelore dhe ato master i përfundoi me notë mesatare 9.9 në Universitetin e Prishtinës, përkatësisht në Fakultetin Ekonomik. Studimet e doktoraturës i kreu me sukses në Universitetin e Evropës Juglindore, Fakultetin e Biznesit dhe Ekonomisë me tezë doktotarure: “Ndikimi i Ekosistemit Inovativ në zhvillimin e produkteve të reja dhe performancën e kompanisë: evidence nga sektori i TIK-ut”, ku dhe fitoi titullin shkencor Doktor i Shkencave Ekonomike. Ka punuar në universitet publik e institucione të arsimit të lartë si asistente dhe pastaj profesoreshë universitare. Gjithashtu ka përvojë edhe si konsulente financiare për kompani në sektorin privat. Ka ndjekur dhe është çertifikuar për trajnime të shumta nga organizata si: USAID, UNDP, NDI, OSCE, ATRC, Kryqi i Kuq i Kosovës etj. Ka qenë pjesëmarrëse e projektit një vjeqar SKYL (Supporting Young Leaders of Kosovo) për përgaditjen e liderëve të ardhshëm të Kosovës të organizuar nga USAID. Ka marrë vendin e pare në nivel nacional në Garat e Fizikës, dhe Matematikës. Gjatë tërë viteve të studimeve ka qenë bursiste e ekselencës. Në vitin 2013 është zgjedhur “studente e dalluar” në Komunën e Gjilanit. Kryqi i Kuq i Kosovës i ka lëshuar letër falemderimi për kontributin humanitar-vullnetar të dhënë për gjatë tetë viteve. Në vitin 2020 ka qenë pjesëmarrëse e Koferencës së Edukatorëve të Ndërmarrësisë të organizuar nga San Diego University dhe SDU Lavin Entrepreneurship Center në ShBA, ku ka përfaqësuar Kosovën . Ka qenë pjesëmarrëse në projektin “Ngritja e kapaciteteve të vendeve në tranzicion” të organizuar në Budapest të Hungarisë. Është certifikuar rreth mësimit të SDG-ve (Objektivat e Zhvillimit të Qëndrueshëm të Kombeve të Bashkuara) nga “International Council for Small Business Special Certificate Program: Teaching the United Nations Sustainable Development Goals (SDGs)” Dr.Sc. Herolinda Murati-Leka është pjesëmarrëse e shumë konferencave shkencore ndërkombëtare, autore e shumë punimeve shkencore ndërkombëtare të publikuara në platformat më prestigjioze të akademisë si Emerald Publishing e të indeksuara në SCOPUS dhe EBSCO. Fokusi i hulumtimit shkencor është në Ekosisteme Inovative, Ndërmarrësi e Ekonomiks. Nga 11 Marsi i vitit 2024 i është besuar pozita e Drejtoreshës për Buxhet dhe Financa. Është e martuar dhe nënë e dy fëmijëve. ………………………………………………..
Fushëveprimtaria e Drejtorisë:
Ndihmon kryetarin e Komunës në përgatitjen e projekt-buxhetit para paraqitjes së tij në Komitetin për Politike e Financa dhe Kuvendin e Komunës. Bënë planin dinamik të realizimit të projekteve dhe bartjen e mjeteve për zërat buxhetor Bënë planifikimin e pasqyrës së rrjedhjes së parasë së gatshme Ofron këshilla profesionale për organet komunale, për menaxhimin e buxhetit. Bënë mbikëqyrjen e procedurave dhe shpenzimit të mjeteve buxhetore Bënë pranimin e raporteve mujore për dinamiken e realizimit të projekteve nga drejtoritë dhe nga zyra e prokurimit Bënë përgatitjen e raporteve buxhetore sipas nevojës.
Financat:
Harton projekt-rregulloret komunale për çështje financiare Bënë udhëheqjen e çështjeve financiare Është përgjegjëse për mbajtjen e llogarive dhe raporteve financiare vjetore Është përgjegjëse për mbikëqyrjen dhe monitorimin e sistemeve dhe procedurave për ekzekutimin e buxhetit Përgatit procedurat dhe raportet e kontabilitetit Jep këshilla profesionale nga fusha e buxhetit të organeve komunale Planifikon, përcakton obligimet në bazë të rregulloreve komunale, të subjekteve të caktuara në Komunë, shkallën e ngarkesës, tarifën nga lëmi i tatimit në pronë, taksave dhe gjobave komunale.
Të hyrat:
Bënë planifikimin e burimeve financiare në komunë Bënë evidentimin e të hyrave vetanake të komunës, në pajtim me ligjin për financat e pushtetit lokal etj. Ushtron të gjitha detyrat dhe përgjegjësitë të cilat barten nga autoritetet qendrore, duke përfshirë edhe regjistrimin e bizneseve.
