Po vazhdojnë punimet për rinovimin e plotë të palestrës së sportit “Bashkim Selishta”.
Kryetari i Komunës së Gjilanit, Alban Hyseni, tha se
ky është një investim me vlerë 2.7 milionë euro, që po realizohet si bashkëfinancim mes Ministrisë së Kulturës, Rinisë dhe Sportit dhe Komunës së Gjilanit.
“Ky projekt do të krijojë kushte moderne dhe funksionale për të rejat dhe të rinjtë e komunës tonë, duke u ofruar hapësira të përshtatshme për aktivitet sportiv, gara dhe zhvillimin e potencialit të tyre”, tha Alban Hyseni.
I pari i Gjilanit, theksoi se investimet në sport mbeten ndër prioritetet tona kryesore edhe në këtë mandat.
