Drejtoreshë: Eljesa Rashiti
BIOGRAFIA
U lind më 5 mars 2001 në Gjilan, ku jeton dhe vepron.
Studimet bachelor i ka përfunduar në Inxhinieri Softuerike në Universitetin “Kadri Zeka”, si studente e dalluar dhe përfituese e bursës për tri vite radhazi.
Aktualisht është duke ndjekur studimet master në Sisteme të Kontrollit dhe Inteligjencë Artificiale, duke thelluar ekspertizën në teknologji, analiza sistemesh dhe zgjidhje inovative.
Përvoja e saj profesionale përfshin angazhimin në kabinetin e kryetarit të Komunës së Gjilanit, gjatë mandatit të parë, ku ka kontribuar në koordinimin dhe realizimin e projekteve zhvillimore me ndikim lokal. Ndër projektet e veçanta në fushën STEM veçohet “Platforma Digjitale për Fermerët e Gjilanit”, e fokusuar në digjitalizimin e shërbimeve dhe mbështetjen e sektorit të bujqësisë.
Karrierën e saj e ka zhvilluar më tej si inxhiniere softuerike në një kompani ndërkombëtare që operon në fushën e sistemeve shëndetësore, duke fituar përvojë në menaxhimin e sistemeve komplekse dhe standarde ndërkombëtare të teknologjisë.
Në rrafshin politik, ajo shërben si koordinatore e nën komiteteve dhe anëtare e Kryesisë së Qendrës së Lëvizjes VETËVENDOSJE! në Gjilan.
Si drejtoreshë, ajo synon rritjen e efikasitetit institucional, forcimin e transparencës dhe modernizimin e proceseve përmes qasjeve profesionale dhe zgjidhjeve digjitale, në funksion të shërbimeve më cilësore për qytetarët.
………………………………………………………………………………………………………………………………………………………
Fushëveprimtaria e Drejtorisë:
Ofron shërbime profesionale dhe shërbime të tjera subjekteve të ndryshme mban evidencën për emërtimet e vendbanimeve, rrugëve, shesheve si dhe numrat e objekteve dhe shtëpive
Është përgjegjëse për zhvillimin dhe organizimin e kapaciteteve kadastrale, rrjetën referuese homogjene, për sigurimin e hartave orto–foto, rikonstruimin e informatave kadastrale në formë digjitale, modelin e sistemit informativ mbi tokën dhe pronën
Bën vlerësimin e pronës sipas kritereve dhe standardeve dhe rregulloreve në fuqi
Sigurimi i zotërimit të tokës, reduktimin e kontesteve për tokën
Përmirësimin e transferimit të tokës, menaxhimi i tokës shtetërore dhe efikasiteti në taksimin e tokave
Planifikimi i rrjetit me pika të reja kontrolluese dhe themelimi i pikave të reja kontrolluese
Digjitalizimi i pikave poligonale dhe trigonometrike, vektorizimi i planeve të skanuara (ngastrave dhe zonave kadastrale)
Azhurnimi i pjesës grafike në bazë të dokumenteve dhe matjeve të reja dhe transformimi me parametrat e dhëna për transformim
Shërbimet e mirëmbajtjes së klasifikimit dhe kulturave të tokës
Ndarjen e ngastrave dhe shënimi i kufijve në rastin e eksproprijimit dhe kryen procedurat rreth eksproprijimit të tokës
Inspektimin e sipërfaqes së ndërtesave dhe përpunimi i skicave të ndarjeve për ndërtesa dhe banesa
Regjistrimin e pronës së paluajtshme dhe regjistrimin e tokës komunale
Zhvillon procedurat e regjistrimit sipas detyrës zyrtare dhe zhvillon procedurat e regjistrimit sipas kërkesës së palëve
Bën korrigjimin e regjistrit sipas procedurave dhe zbaton të gjitha dispozitat pozitive në fuqi lidhur me regjistrimin e pronës
Azhurnimi e pronës në bazë të dokumenteve të verifikuara dhe shënimeve të tjera nga dokumentacioni arkivor, azhurnimi i regjistrit të ndërrimeve të mjeteve nga terreni
Kryen procedurat rreth transaksioneve të pronës publike dhe kryen procedurat e blerjes dhe shitjes së pronës për komunën
Shqyrton dhe kryen procedurat administrative, për kthimin e tokës pronarëve të mëparshëm
Mbron pronën komunale – publike nga uzurpimet dhe udhëheq procedurat lidhur me këtë çështje
Bën vërtetimin dhe zbaton shitblerjen e pasurisë së patundshme
Kryen procedurat rreth dhënies së tokës për ndërtim
Bën regjistrimin e ndërtesave kolektive dhe organizon mirëmbajtjen e pjesëve të përbashkëta të ndërtesave kolektive
Lidhë kontrata mbi dhënien me qira të tokës ndërtimore
Udhëheq me kadastrën etazh të banesave dhe menaxhon me banesat dhe objektet të tjera të komunës dhe mbanë evidencën për to
Kryen procedurat për vërtetimin e transaksioneve dhe regjistrimin e tyre në librat etazh
Bën programin dhe organizon mirëmbajtjen e vijueshme dhe punëve të tjera investive të banimit
Përgatit specifikacione, propozime për tender, për kryerjen e punëve që bëjnë pjesë në sferën e drejtorisë
Cakton tarifat për shërbimet që ofron, nëse ndryshe nuk janë të përcaktuara me ligj dhe
Shtron kompetenca të tjera të parapara me ligj, të deleguara nga pushteti qendror.
