E lindur më 19.10.1997, në fshatin Përlepnicë, komuna e Gjilanit.
Arsimin fillor e ka kryer në shkollën ‘Skënderbeu’ në Përlepnicë, duke vazhduar nga klasa e pestë edhe shkollën e muzikës, në instrumentin Flautë.
Shkollimin e mesëm – Gjimnazin e Shkencave Matematiko-Natyrore ‘Xhavit Ahmeti’ – drejtimi Matematikë/Informatikë e ka mbaruar në Gjilan.
Aktualisht është studente e Farnacisë, në vitin e fundit të studimeve master dhe paralelisht ka studiuar edhe Shkencat Politike, ku ka përfunduar nivelin Baçelor.
Ka qenë bursiste në fondacionin politik gjerman ‘Konrad Adenauer Stiftung’, përmes të cilit ka pasur mundësinë ta përfaqësojë Forumin Rinor të Lidhjes Demokratike të Kosovës në trajnime vendore, rajonale e ndërkombëtare, duke përfshirë edhe trajnime në kryeqytetin politik të Europës, Bruksel.
Ka marrë pjesë si studente e Farmacisë edhe në simpoziume e trajnime të ndryshme nga fusha e mjekësisë në nivel vendi e rajoni.
Është nënkryetare e Forumit Rinor të Lidhjes Demokratike të Kosovës, dega në Gjilan.
Aktualisht është duke punuar në biznesin familjar ‘Agro Gresa’.
Me votën e qytetarëve të Gjilanit, është zgjedhur anëtare e Kuvendit Komunal në Gjilan në vitin 2021.
Ky është mandati i saj i parë si asambleiste në Kuvendin Komunal.
