Duke u bazuar në nenin 17 dhe në zbatim të nenit 18 të Statutit të Komunës së Gjilanit 01. nr. 016-126211 të datës 06.11.2014, në zbatim të nenit 4 të Rregullores për Transparencë në Komunë dhe nenit 7 të Udhëzimit Administrativ nr. 05/2013 për Transparencë në Komuna, njoftohen zyrtarët, qytetarët, shoqatat, grupet e interesit dhe bartësit e institucioneve të Komunës dhe anëtarët e Kuvendit të Komunës, se me datën 17.09.2018 në ora 14:00 në sallën e Kuvendit të Komunës së Gjilanit ish ndërtesa e Gjykatës, do të mbahet:
DËGJIM PUBLIK
PROJEKT-RREGULLORJA PËR NDARJEN E TITUJVE TË NDERIT, ÇMIMEVE, MIRËNJOHJEVE DHE SHPËRBLIMEVE
Qëllimi i diskutimit publik është për të krijuar opinione pozitive për aktin në fjalë, të cilin pas zhvillimit të procedurave paraprake ligjore, duke përfshirë edhe dëgjimin publik me qytetarë dhe pjesëmarrës tjerë, do të procedohet në Komitetet përkatëse, Komitetin për Politikë dhe Financa dhe Kuvendin e Komunës për miratim.
Në dëgjim duhet të marrin pjesë zyrtarët, qytetarë dhe grupet e interesit (OJQ-ve etj) për të shprehur mendimet e tyre me interes të përgjithshëm.
Projekt-aktin mund ta merreni në Zyrën Ligjore dhe do të jetë e publikuar në web faqen e Komunës: www.rks-gov.net/gjilan, ku mund ta shkarkoni.
| Gjilan, 03 shtator 2018 | Komuna e Gjilanit |
