Është hapur Zyra për të Huaj e Ministrisë së Brendshme në Gjilan, ku qytetarëve të Preshevës, Medvegjës, Bujanocit e Maqedonisë së Veriut, të cilët vendbanimin e kanë në Anamoravë, të aplikojnë për leje qëndrim në Gjilan.
Koordinatori i Zyrës për Preshevë, Medvegjë dhe Bujanoc në Komunën e Gjilanit, Enver Haziri, tha se ndjehet jashtëzakonisht i lumtur që nga 16 marsi 2026 është hapur Zyra për të Huaj në Gjilan.
“Kjo zyrë u mundëson qytetarëve të Preshevës, Medvegjës dhe Bujanocit, të cilët vendbanimin e kanë në Anamoravë si dhe nga pjesë të Maqedonisë së Veriut që ndodhen në trekëndëshin kufitar, të aplikojnë për leje qëndrim në Gjilan”, tha Haziri.
Sipas tij zyra është hapur në kuadër të Ministrisë së Punëve të Brendshme, të Republikës së Kosovës.
“Kjo zyrë është jashtëzakonisht e mirëpritur nga qytetarët sepse për tri vite me radhë, nuk kemi lënë derë pa trokitur për hapjen e saj”, tha Enver Haziri.
Koordinatori i Zyrës për Preshevë, Medvegjë dhe Bujanoc në Komunën e Gjilanit, tha se hapja e kësaj zyre do të jetë një ndihmë shumë e madhe për qytetarët e Luginës, si në aspektin kohor, ashtu edhe në atë ekonomik.
Ai falënderoi kryeministrin e Kosovës Albin Kurti.
