Gjilani gjendet në pjesën lindore të Kosovës dhe është njëra nga shtatë komunat e mëdha të Republikës.
Sipas regjistrimit të vitit 2011, komuna e Gjilanit ka mbi 90 mijë banorë. Rreth 35 mijë të tjerë llogaritet se jetojnë në diasporë.
Hapësira e komunës shtrihet në 392 km/2 dhe përbëhet prej 42 zonave kadastrale.
Gjilani është larg nga Prishtina, kryeqendra e Kosovës, 46 kilometra, nga Kamenica – 27 km, nga Vitia – 22 km, nga Artana – rreth 25 kilometra.
Njëherazi, Gjilani është edhe qendër e rëndësishme e mikro-regjionit të lindjes.
Me komunat e regjionit kufizohet, në juglindje me Preshevën (33 km) dhe Kumanovën (53), ndërsa në lindje – me Bujanocin (40 km).
Komuna e Gjilanit, është binjakëzuar me komunat Yildirim (Turqi), Kukës (Shqipëri), Ipper (Belgjikë), Luterbah (Francë) dhe të tjera.
Komuna e Gjilanit është fituese e çmimit “Diploma Evropiane” (2005) që e ndan Asambleja Parlamentare e Këshillit të Evropës, e çmimit “The Best City Model Award” në panairin e Cyrihut (maj 2015) dhe të tjerë.
Komuna e Gjilanit është pranuar në Konventën e Kryetarëve të Parlamentit Evropian (tetor 2015).
Shënime të tjera, më të hollësishme, për komunën e Gjilanit, mund të gjeni në linkat përkatës, të radhitur në anën e majtë.
Bulevardi i Pavarësisë p.n.
E-mail: info.gjilani@rks-gov.net
Tel: 0280 320 781
Linja pa pagesë – Tel: 0800 60006 / Dita e hapur për qytetarë – e premte
2025 © Të gjitha të drejtat e rezervuara | Komuna e Gjilanit.
