BIOGRAFIA
Fadil Ademi, i lindur më 03.06.1984 në Gjilan, me vendbanim në Velekincë. Është i martuar.
Arsimi dhe Përgatitja Profesionale
Shkollën fillore e ka përfunduar në Velekincë, ndërsa gjimnazin në Gjilan. Studimet universitare i ka përfunduar në Fakultetin Juridik të Universitetit të Prishtinës, ku më pas ka përfunduar edhe studimet Master në të njëjtin fakultet.
Gjatë studimeve, nga viti 2008 deri në vitin 2012, ka ushtruar funksionin e Kryetarit të Këshillit Studentor në Fakultetin Juridik, i zgjedhur përmes votës studentore për dy mandate radhazi. Po ashtu, ka qenë anëtar i Këshillit Mësimor-Shkencor për katër vite radhazi.
Përvoja Profesionale dhe Angazhimi Shoqëror
Kryetar i Organizatës Joqeveritare “CLIK” nga viti 2013 deri në vitin 2015.
Nga viti 2013 deri në vitin 2015 ka ushtruar detyrën e menaxherit të një biznesi privat. Nga viti 2015 deri në vitin 2017 ka qenë i angazhuar në Administratën e Universitetit “Kadri Zeka” në Gjilan.
Nga viti 2018 është i punësuar si zyrtar ligjor në Drejtorinë e Administratës në Gjilan. Nga viti 2024 deri në fund të vitit 2025 ka ushtruar detyrën e Ushtruesit të Detyrës së Shefit të Gjendjes Civile në Drejtorinë e Administratës në Gjilan.
