Drejtor: Haki Huruglica
Email: haki.huruglica@rks-gov.net
Tel:
BIOGRAFIA
U lind më 25 korrik 1996 në Gjilan dhe është i angazhuar në jetën institucionale dhe politike të vendit.
Ai ka përfunduar studimet Bachelor dhe Master në Shkenca Politike në Universitetin e Prishtinës, si dhe është në përfundim të studimeve në Fakultetin Juridik, duke thelluar formimin e tij akademik në fushën e së drejtës.
Rrugëtimi i tij profesional në institucionet qendrore të Republikës së Kosovës ka nisur në vitin 2021, kur është angazhuar në kabinetin e presidentes së Republikës së Kosovës. Më pas, ka vazhduar angazhimin në kabinetin e zëvendëskryeministres dhe ministres së Punëve të Jashtme dhe Diasporës, ku fillimisht ka shërbyer si zyrtar administrativ, më pas si këshilltar politik. Në vijim të karrierës së tij institucionale, ai ka ushtruar detyrën e zyrtarit për koordinim të politikave në Ministrinë e Bujqësisë, Pylltarisë dhe Zhvillimit Rural, duke qenë pjesë e administratës qendrore shtetërore.
Në jetën politike, ishte pjesë e Partisë Guxo, ku ka qenë i angazhuar në strukturat organizative dhe zhvillimore të subjektit politik që nga themelimi.
Ka kontribuar në procese të ndryshme politike dhe organizative, duke u fokusuar në ndërtimin e politikave të bazuara në analiza dhe në forcimin e organizimit të brendshëm partiak.
Interesat e tij përfshijnë zhvillimin ekonomik, politikat publike, marrëdhëniet ndërkombëtare dhe avancimin e institucioneve demokratike në Kosovë.
Synon të vazhdojë angazhimin e tij në jetën publike me vizion afatgjatë për kontribut në zhvillimin dhe forcimin e shtetit të Kosovës.
Jeton dhe vepron në Gjilan, duke mbajtur lidhje të vazhdueshme me komunitetin lokal dhe çështjet që lidhen me zhvillimin ekonomik dhe institucional.
