Drejtoria për Buxhet dhe Financa rikujton qytetarët që t’i kontrollojnë dhe përditësojnë të dhënat e pronave të tyre brenda afateve, në mënyrë që ndryshimet të pasqyrohen në faturimin e vitit 2027. Me këtë rast, falënderojmë të gjithë qytetarët që i përmbushin rregullisht obligimet e tatimit në pronë, duke kontribuar në financimin e shërbimeve publike dhe investimeve në Gjilan.
Për përditësimin e të dhënave, ju lutemi t’i kushtoni vëmendje këtyre afateve:
đź“… DERI MĂ‹ 31 TETOR 2026
Paraqitni kërkesat për korrigjimin e të dhënave identifikuese, parcelave, objekteve, sipërfaqes dhe mënyrës së shfrytëzimit të pronës, në mënyrë që korrigjimet të pasqyrohen në faturën e vitit të ardhshëm.
🏠DERI MË 30 NËNTOR 2026
Kujdesuni për regjistrimin e banimit primar. Ndryshimet e shfrytëzimit dhe zgjerimet e pronës duhet të regjistrohen gjithashtu deri në këtë datë, duke respektuar afatin prej 30 ditësh nga ndodhja e ndryshimit.
Kërkesat për regjistrimin e pronave të reja ose të paregjistruara, si dhe për ndryshimin apo korrigjimin e të dhënave, dorëzohen në Qendrën për Shërbime me Qytetarë, së bashku me dokumentacionin përkatës, dhe përcillen për trajtim në Sektorin e Tatimit në Pronë.
⚠️ Gjithashtu, ju rikujtojmë se afati për pagesën e këstit të dytë ka përfunduar më 30 SHTATOR 2026. Qytetarët me obligime të papaguara ftohen ta kontrollojnë gjendjen dhe t’i shlyejnë ato sa më parë, për të shmangur ngarkesat e mëtejshme nga gjobat dhe interesi për vonesë.
Faturën dhe gjendjen e obligimeve mund t’i kontrolloni në platformën Tatimi në Pronë – Kosovë, në e-Kosova, te ikona e Tatimit, ose në sportelet e Sektorit të Tatimit në Pronë. Për sqarime rreth afateve dhe dokumentacionit të nevojshëm, mund të drejtoheni në këto sportele.
