Një trajnim dyditor është mbajtur për pjesëtarët e zjarrfikësve dhe shpëtimit të Gjilanit nga ana e KFOR’it amerikan, me qëllim të përgatitjes së tyre sa më profesionalisht për dhënien e ndihmës së parë. Drejtori për Mbrojtje dhe Shpëtim, Ensar Kadriu, ka falënderuar KFOR’in amerikan për këtë ndihmesë, duke thënë se pjesëtarrët e zjarrfikësve kanë përfituar jashtëzakonisht shumë nga përvoja dhe njohuritë e tyre.
“Unë besoj shumë që zjarrfikësit tanë, njohuritë e marra nga ky trajnim, do t’i implementojnë në terren, duke i dalë në ndihmë qytetarëve të Gjilanit në çdo kohë”, tha Kadriu.
I pari i drejtorisë për Mbrojtje dhe Shpëtim i Gjilanit ka paralajmëruar edhe realizimin e trajnimeve të tjera gjatë muajve në vijim.
